Бүгін мектебімізде тағы бір соңғы қоңырау соғылған күн!

25 мамыр «Соңғы қоңырау» мерекесіне арналған салтанатты жиын өткізілді. Жиын қонақтары: Жарма ауданының білім бөлімінің әдіскері Садирова Назира Касымхановна мен Ақжал ауылдық округінің әкімі Жумаканов Мерхат Сайлаубаевич қатысты.

Биыл мектеп түлектері саны – 15. Оның ішінде «Алтын белгіге» үміткер оқушыларымыз Жумаканова Дильназ бен Мәмет Балжан.

2021-2022 оқу жылының қорытындысы бойынша олимпиадалар мен байқаулар, шығармашылықпен қатар жыл бойғы нәтижелерді қорытындылай келе, «Үздік» деп танылған пән мұғалімдеріне марапаттар,

«Үздік сынып жетекші – 2022» номинациялары және алғыс хаттар табыс етілді. Әр пәннен қабілетті деп танылған оқушыларға алғыс хаттар және пән мұғалімдері атынан сыйлықтары берілді.  Биылғы түлектер –  мектебімізде жұмыс жасап жатқан  спорт мектебінің алғашқы түлектері. Олар спорт мектебінің марапатын алды.

Оқу ісінің меңгерушісі Құдайберген Тортайұлы оқу жылын аяқтау туралы бұйрықпен таныстыра отырып,

«Оқу үздігі – 2022» оқушыларын марапаттады. Мектеп түлектері он бір жыл білім нәрімен сусындатқан ұстаздарына өз жылы лебіздерін арнап, әндерін шырқады.