Category: Ата-аналарға

16.03.2023 ж күні К. Шакенов атындағы орта мектебінде қамқоршылық кеңестің 3 тоқсан бойынша атқарылған жұмыстар бойынша есеп беру отырысы болып өтті.

Қаралған мәселелер:

1. 2022-2023 оқу жылында әлеуметтік жағдайы төмен аз қамтылған көп балалы отбасы балаларына көрсетілген демеушілік бойынша есеп
2. 2023 жылға мекеменің болашақта дамуы, бюджеті туралы есеп
3. Кәмелетке толмағандар арасындағы құқық бұзушылық пен қылмыстың алдын-алу шаралары.

Құрметті ата аналар!
Ағымдағы жылдың сәуір айының бірінен тамыз айының біріне дейін Кенжебек Шакенов атындағы орта мектепке бірінші сыныпқа келетін оқушылардың құжаттары қабылданады.
Бірінші сыныпқа қабылдау электронды форматта жүргізіледі.
Бірінші сыныпқа алты жасар және ағымдағы жылы алтыға толатын балалар қабылданады.
Төмендегі құжаттарды www.egov.kz  сайты арқылы беруге болады.
– ата-аналардың өтініші (немесе оларды алмастыратын тұлғалар)
– баланың туу туралы куәлігінің көшірмесі
– бала денсаулығы паспорты (№ 063. №026 форма)
–  3*4 көлеміндегі 2 дана фотосурет.

Бүгін мектебімізде «Отбасы – тәрбиенің ұясы» атты жалпы мектепішілік  ата–аналар  жиналысы өтті. Мектеп директоры Байгалиев Қайрат Сыдықұлы өз сөзінде: қазіргі таңда өмірге көзқарастары толық қалыптаспаған жастардың арасында қылмыстың көп жасалуы – отбасындағы берілген тәрбиеге, ата–ананың балаға көңіл бөлуіне де байланысты. Әрбір отбасындағы ата–ана өсіп келе жатқан жасөспіріммен жақын сөйлесіп, оны мазалаған ойларын біліп, айналасындағы достары туралы хабардар болып, проблемаларын шешуге көмектесуі керек. Осы жағдайларда жасөспірімдермен жасалатын қылмыстардың алдын–алуға болады деген сенім білдірді.

Күн тәртібінде қаралған мәселелер бойынша:

1. «Жалпыадамзаттық  құндылықтар  отбасы  тәрбиесінің  негізі» тақырыбында 10 «Ә» сынып жетекшісі: Бажаева Толқын Мейрамхановна баяндады;
2. «Баланың  бас  ұстазы – ата-ана» тақырыбында баяндама оқыған: 9 «Ә» сынып жетекшісі: Нысангалиева Диана Адалбековна;
3. «Жасөспірімдер арасында құқықбұзушылықтың  алдын алу» тақырыбында Жарма аудандық полиция бөлімінің кәмелеттік жасқа толмағандар  істері  жөніндегі учаскелік полиция инспекторы полиция  аға  лейтенанты  Мамилов Медет Калымжанович сөз соңын қорытындылай келе, кәмелетке толмағандар арасындағы қылмыстар белең алып келеді, онымен күресу үшін мемлекеттік органдармен байланыс орнату керек. Жастар арасында патриоттық сезімін, мәдени құндылықтарды дамытып, тәрбиелеу керек. Сонымен қатар жастардың құқықтық сауаттылығын ашу керек. Жастар арасындағы қылмыс – қоғам дерті, оны емдеу қажет және алдын алу шараларын қолдану керектігін айтты.

https://youtu.be/J5uHJAevPwg

https://youtu.be/gvbqqp40f_o

https://youtu.be/cHhM5ushtn8

https://youtu.be/Mck2v7haCLQ

​https://youtu.be/Mp4JLq302ig

Ағымдағы жылдың сәуір айының бірінен тамыз айының біріне дейін Кенжебек Шакенов атындағы орта мектепке бірінші сыныпқа келетін оқушылардың құжаттары қабылданады.

Бірінші сыныпқа қабылдау электронды форматта жүргізіледі.

Бірінші сыныпқа алты жасар және ағымдағы жылы алтыға толатын балалар қабылданады.

Төмендегі құжаттарды www.egov.kz  сайты арқылы беруге болады.

– ата-аналардың өтініші (немесе оларды алмастыратын тұлғалар)

– баланың туу туралы куәлігінің көшірмесі

– бала денсаулығы паспорты (№ 063. №026 форма)

–  3*4 көлеміндегі 2 дана фотосурет.

Мектебімізде жалпы мектепішілік ата-аналар жиналысы өтті. Күн тәртібінде

1.«Бала тәрбиесіндегі мектеп пен ата-ананың рөлі» ІІІ тоқсандағы үлгерім қорытындысы

2. Демалыс кезіндегі оқушылардың қауіпсіздігі
3. Әр түрлі мәселелер қарастырылды.

Қазақтың батыр жазушысы Бауыржан Момышұлының «Ешкім іштен батыр, дана болып тумайды: ол да мінез секілді өскен орта, көрген тәрбиеге байланысты қалып­тасады», дегені тал бесік­тен жұққан тәрбиенің отбасы­лық институттарымен рет­те­летінін аңғартса керек. Бүгін, біз, Құнанбайдай әкенің тәрбиесін бере алмасақ, ертең Абайдай ұлдарды өсіре алмаймыз. Осыны ел арасында барынша түсіндіріп, насихат ете білуіміз керек екендігін мектебімізде өткен «Әкем – менің мақтанышым,  қорғаным»  атты конференцияда талқыланды.

Форумның мақсаты – заманауи қоғамдағы, отбасындағы әкенің рөлі мен маңызын насихаттау, дәріптеу. Директордың тәрбие ісі жөніндегі орынбасары Тагаева Гульнур Жармукановна: әкенің мінез-құлқы, болмысы, өзгелермен қарым-қатынасы – баланың көз алдындағы үлгі, өнеге алатын, оған қарап өсетін нысанасы екендігін алға қойды. Мектеп директоры Байгалиев Қайрат Сыдықұлы: ұлттық тәрбие мен дәстүріміздің сақталуына әкенің отбасындағы орны алтыннан да қымбат,оны ешқандай бағалы затпен өлшеуге келмейтінін,  әке – басшы, отбасы мүшелерінің тірегі, асырап сақтаушысы, қамқоршысы дей отырып, 1 Наурыз «Алғыс айту күні» мерекесі  қарсаңында  әкелерді бала тәрбиесі мен мектеп өміріне белсене атсалысқаны үшін алғыс хаттармен марапаттады. Мектеп психологы Алия Мауткановна форумда оқушылардың әкеге жазған ашық хаттарын оқыды.

Келген әкелер қауымы біршама жақсы нәрселерді ойларына түйіп, жоғары көңіл-күймен тарқады. Біздің алтын орда мектебімізде әкелер форумын өткізу үрдіске айналып,  жылдан жылға форумға қатысып, атсалысатын әкелердің де саны артады деген сенімдеміз.

Мектебімізде сыныпішілік ата-аналар жиналысы өткізілді. Ата-аналарға ІІ тоқсан  қорытындысы, кәмелетке  толмаған жасөспірімдердің  құқық  бұзушылығының  алдын  алу, балалардың  қауіпсіздігі туралы айтылды.  Сауалнамалар алынып, қарым-қатынасты нығайту мақсатында қызықты тренингтер өткізілді.

27 қазан күні мектебімізде жалпы ата-аналар жиналысы өткізілді.  Қаралған негізі мәселелер:

1) І тоқсан қорытындысы;

2) құқық бұзушылықтың алдын алу;

3) әр түрлі мәселелер

Мектеп директоры – Кайрат Сыдыкович,  директордың тәрбие ісі жөніндегі орынбасары – Гүлнұр Жармукановна аяқталып отырған оқу тоқсанындағы білім мен тәрбие, спортта ата-ананың балаға деген қолдауының арқасында мектебіміздің жетістіктерін атап өтті.  Мектеп психологы – Алия Мауткановна   отбасы құндылықтары бойынша ата-аналарға тренинг жүргізіп,  ән орындалды.