Ағымдағы жылдың 8 желтоқсанында Абай облысы білім басқармасының «Облыстық инновациялық-әдістемелік орталығы» КММ-нің  ұйымдастыруымен білім беру психологтарының арасында «Үздік жыл психологы-2022» облыстық конкурсы өтті.

Конкурстың басты мақсаты – талантты, шығармашылықпен жұмыс істейтін, кәсіптік біліктілігін көрсете алатын психологтарды анықтау, қолдау және мадақтау (ынталандыру). Конкурстың басты міндеттері: қатысушылардың кәсіптік шеберлігінің өсуіне ықпал ету, кәсіптік психологиялық білімнің маңыздылығын арттыру, шығармашылық жаңалықтармен, идеялармен, тәжірибемен алмасуын ұйымдастыру.

Конкурсқа 3 жылға дейін; 3-7 жылға дейін; 7 жылдан астам еңбек өтілі бар 18 мектеп педагог-психологтары қатысты.

Нәтижесінде мектебіміздің педагог-психологы Канашева Алия Мауткановна ІІІ дәрежелі дипломмен марапатталды. Құттықтаймыз!