Category: Жетістіктеріміз

Облыстық байқау

Шығыс Қазақстан облысы білім басқармасының дарындылық пен қосымша білім беруді дамытудың Шығыс Қазақстан ғылыми – әдістемелік «Дарын» орталығы 2022 жылдың 22-қыркүйегінде жалпы орта білім беретін мекемелердің 8-10 сынып оқушылары арасында жазушы Қабдеш Жұмаділовтің шығармашылығына арналған «Сұлу сөз, көркем ойдың кемеңгері» атты облыстық байқау өтті.

Мақсаты:

– Жазушының өмірі мен шығармашылығы, әдебиет әлеміне қосқан рухани мол мұрасын зерттеу, әдебиетке бейім, дарынды оқушыларды анықтау, оларға  қолдау көрсету, көркем әдебиетті насихаттауды жандандыру.

Жалпы байқауға облыс бойынша 86 оқушы, оның ішінде 6 оқушы Жарма ауданынан қатысты.

Нәтижесінде: ІІІ орын және 20000 теңгенің сертификаты, шығармасын жеңіп алды.

Нұрбек Жұлдыз, К.Шакенов атындағы орта мектебінің 10-сынып оқушысы, жетекшісі қазақ тілі мен әдебиеті пәні мұғалімі Бажаева Толқын Мейремхановна

Жеңімпаздарды жеңістерімен құттықтаймыз!

21 қыркүйек  мектебімізде қазақтың заңғар жазушысы

М.О. Әуезовтің 125 жылдық мерейтойына орай қазақ тілі мен әдебиеті пәні мұғалімдері арасында  «Әуезов тілі – менің тілім» шығармашылық жобадан аудандық байқау өтті.

Мақсаты:

– М.О.Әуезовтің шығармашылық мұрасын насихаттау;

– пән мұғалімдерінің оқу ізденістерін, шығармашылық – зерттеу деңгейлерін анықтау, креативті қызметтерін жетілдіру.

Шығармашылық жоба байқауына жұмыстар 2 бағытта қабылданды:

1. «Психологиялық портрет» М.О.Әуезов шығармаларындағы кейіпкерлердің психологиялық  портреті.
2. «Әуезов тілі – менің тілім» М.О.Әуезов шығармаларынан құнарлы ойдан туған құнды сөздерді теру, мағынасын нақтылау.

Байқауға 21 мұғалім қатысты. Нәтижесінде: «Психологиялық портрет» бағыты бойынша мектебіміздің қазақ тілі және қазақ әдебиеті пәні мұғалімі Мухатова Данара Думанована ІІІ орын иеленді. Құттықтаймыз!

Халықаралық  балалар күніне орай келген тамаша бір бастаманың ашылу салтанаты «К.Шакенов атындағы орта мектебі» КММ – нің қабырғасында өткендігін дүйім жұртқа жар салып жеткізіп отырмыз. «Әрбір бала бір жұлдыз, жарқырауына жәрдем бер» деген ұстанымды ұстанған білім ордасы «Балалар күніне» орай мектеп жанынан  тағы бір спорт алаңының  яғни «Құмдағы  волейбол» алаңының ашылу салтанатын өткізген еді. Ашылу салтанатының құрметті қонақтары болып, Жарма аудандық білім беру қызметкерлері кәсіподақ комитетінің төрағасы  Сембинов Есен Қалиасқарұлы, Жарма ауданының маслихат депутаты Абдрахманов Маутхан Құрманбайұлы, Жарма аудандық «Аманат» партиясының төрағасы Жансеитов Марат Советханұлы, Ақжал ауылдық округінің әкімі Жумаканов Мерхат Сайлаубайұлы, Букуров Мэлс ауданымыздың кәсіпкері, «Жарма аудандық білім бөлімі»ММ әдіскері Дүйсенбаев Жомарт Төлеутаевич өздерінің игі тілектері мен ықылас пейілдерін білдірген еді.  Осы спорт алаңының салынуына демеушілік көрсеткен ауыл азаматтары мен мектеп түлектерін атап өтуді жөн санап, мына азаматтарға үлкен алғысымызды білдіреміз. Абдрахманов Мауытқан  Құрманбайұлы Жарма аудандық маслихат депутаты, Жаңаөзен ауылының тұрғындары Кумарсагитов Қайрат, Құрман Жұман, Сайлан Есмұрат сынды ел ағалары, ауыл азаматтарына, 2006, 2007, 2016 жылғы мектеп түлектеріне демеушілік білдіріп, көмек көрсеткендері үшін алғысымызды айтамыз. Бүгінгі балалар ертеңгі ел болашағы . Біліммен қатар тәрбие мен спортты қатар алып жүретін жас жеткіншектің болашағы жарқын болары сөзсіз.  Таза ауада спортпен айналысып ,жарқын болашаққа деген сенімі нық, арманы асқақ, бойына білім мен ұлттық тәрбиені сіңіріп өскен жас өреннің еліміздің ертеңгі салиқалы да саналы болашағы болатынына кәміл сенеміз.

Жарма аудандық орталықтандырылған кітапхана жүйесінің ұйымдастыруымен ҚР-ның Ұлы Отан соғысының ардагері, Қазақ КСР-нің Мемлекеттік сыйлығының лауреаты, Қазақстанның халық жазушысы, жерлесіміз Әзілхан Нұршайықовтың 100 жылдық мерейтойына орай «Көркем ой, көрікті тіл» атты эссе сайысы өтті.
️Іріктеу кезеңінен қорытынды кезеңге өткен қатысушылар Әзілхан Нұршайықовтың өмірі мен шығармашылығын қамтитын презентациясын қорғады.️Нәтижесінде әділ-қазылар алқасы өздерінің әділ шешімдерін қабылдап, І-орынды мектебіміздің 9-сынып оқушысы Тұрсынбек Арайлым иеленді.
Жеңімпазымызды шын жүректен құттықтаймыз!

Жарма ауданының «Наурыз» мерекесіне арналған  грек-рим күресінен және еркін күрестен 2009-2011 жылы туылған жасөспірімдер арасында өткізілген аудан біріншілігінде
ІІ орын – 32 кг салмақта Айтуған Сұңғат, ІІ орын – 38 кг салмақта Еркінбек Ақжол иеленді.
Бапкер: Ашиманов Мақсат Ерланұлы. Жеңіс құтты болсын!

2022 жылдың 21-24 ақпан аралығында Өскемен қаласында жалпы білім беретін мектептің 2004-2007 жылғы туылған сынып оқушылары арасында спорттың 6 түрінен: футзал (ұлдар), баскетбол (қыздар), тоғызқұмалақ, үстел теннисі, шахмат, әскери-қолданбалы спорттан «SportFEST Kazakhstan» облыстық кезеңінде мектебіміздің қыздар командасы баскетболдан жүлделі 4 орын алды. Жаттықтырушы мұғалім: Нысангалиев Алибек Анесханович.
Жеңіс құтты болсын!

Спорт-денсаулық кепілі. Әрбір адам спортпен айналысу керек. Өйткені спортпен үнемі айналысқан адамның дені сау, көңіл-күйі көтеріңкі болады және денсаулығы жақсарады. Спорттық ойындардың түрлері өте көп: футбол, баскетбол, волейбол, теннис, хоккей, шаңғы тебу, суда жүзу, т.б. Спорттың адам денсаулығына қаншалықты пайдалы екенін, оның адам өмірін ұзартатынын білеміз. Соған орай жыл сайынғы өтетін аудандық мұғалімдер арасындағы баскетбол жарысында К.Шакенов атындағы орта мектебінің ерлер командасы 1-орын иеленді. 💪