Category: әдістемелік жұмыстар

16.03.2023 ж күні К. Шакенов атындағы орта мектебінде қамқоршылық кеңестің 3 тоқсан бойынша атқарылған жұмыстар бойынша есеп беру отырысы болып өтті.

Қаралған мәселелер:

1. 2022-2023 оқу жылында әлеуметтік жағдайы төмен аз қамтылған көп балалы отбасы балаларына көрсетілген демеушілік бойынша есеп
2. 2023 жылға мекеменің болашақта дамуы, бюджеті туралы есеп
3. Кәмелетке толмағандар арасындағы құқық бұзушылық пен қылмыстың алдын-алу шаралары.

Бүгін халықаралық азаматтық қорғаныс күні. Атаулы күнге орай Қуаныш Айтқазыұлы сейсмикалық оқу-жаттығуын өткізді. Табиғи апат кезінде қалай әрекет ету керектігін көрсетіп, қауіпсіздік ережелерін түсіндірді. Дабыл дыбысы апаттың болғандығын хабарлайды. Осындай сәтте құтқару қызметі дереу іске кіріседі. Зілзала болған жағдайда ең алдымен жоғары қабаттың тұрғындары қауіпсіз жерге шығарылуы керек. Сейсмикалық оқу жаттығуда мектеп оқушыларына дабыл қағылып, жоғары қабаттан және төменгі қабаттағы барлық жандар далаға  шығарылды.

Гуманитарлық пәндер апталығы аясында қазақ тілі пәнінің мұғалімі Мухатова Данара Думановна «Ғаламшардағы жаһандық мәселелер»тақырыбында ашық сабақ өткізді. Сабақтың негізгі мақсаты жаңаша әдіс -тәсілдерді пайдалана отырып, оқушылардың сөздік қоры,сөйлеу әдебін дамыту ,тіл және  ой сауаттылығын сақтауға  бағыттау болып табылды.

Гуманитарлық пәндер онкүндігі аясында орыс тілі және әдебиеті пәнінен 7 ә сыныбында сабақ өткізілді. Пән мұғалімі: Болт Надежда Викторовна. Тақырыбы: «Новогодние подарки»

9 қаңтар мен 20 қаңтар аралығында «Мен жаңашыл ұстазбын» атты гуманитарлық пәндер онкүндігі жоспарланды. Апталық барысында бірлестік ұстаздары заманауи әдіс-тәсілдермен бөлісіп, ашық сабақтар және сыныптан тыс шаралар өтуде. Қазақ әдебиеті сабағын 6-сыныпта Бажаева Толкын Мейрамхановна өткізді. Тақырыбы: Сұлтанмахмұт Торайғыров «Шығамын тірі болсам адам болып»

Білім алушыларды қорытынды  аттестаттау

Білім алушыларды қорытынды  аттестаттау – тиісті білім беру деңгейінің мемлекеттік жалпыға міндетті стандартында көзделген оқу пәндерінің көлемін,  олардың меңгеру дәрежесін айқындау мақсатында жүргізілетін рәсім.

Өткізу формасы: мектеп бітіру емтихандары.

Өткізілетін орны: түлек оқитын мектеп базасы.

Өткізу мерзімі: шамамен 29.05-09.06.

Емтихандар жайлы қысқаша:

1. Ана тілі мен әдебиеті – 3 тақырыптан біреуін таңдайды. Эссе 250-300 сөзден тұруы қажет. Эсседе оқушы тақырыпқа сай мәселе көтеруі, дәлелдер мен дәйектер келтіріп, өз пікірін, негізгі идеясын жүйелі түрде жеткізіп, ой түйіндей білуі қажет.
2. Алгебра және талдау бастамалары – 5 тапсырмадан тұрады. Тапсырмалар математикалық фактілер, түсініктер және тәсілдерді меңгеру деңгейін, есеп пен логикалық тапсырмаларды шешу қабілетін, функционалдық сауаттылықты тексеруге арналған.
3. Қазақстан тарихы – Билетте 3 сұрақ. Екеуі Қазақстан тарихының негізгі бөлімдерінен алынған теориялық сауал, 3-ші сұрақ шығармашылық тұрғыдағы тапсырма (карта, кескіндер, портреттер, хронологиялық кескіндерді пайдалану т.б.).
4. Қазақ тілі (орыс, өзбек, ұйғыр және тәжік тілдерінде оқытылатын мектептерде) және орыс тілі(қазақ мектептерінде) – 40 тест сұрақтан, 3 блоктан тұрады:

• Лексика-грамматикалық –20 тест тапсырмасы;
• Тыңдалым –10 тест тапсырмасы (2 мәтін);
• Оқылым –10 тест тапсырмасы (2 мәтін).

Таңдау бойынша 1 пәннен – Физика, химия, биология, география, геометрия, дүниежүзі тарихы, әдебиет, шет тілі (ағылшын, француз, неміс тілі), информатика пәндерінің біреуін таңдайды (қоғамдық-гуманитарлық және жаратылыстану-математикалық оқу бейіні ескеріледі).

Тест 40 тапсырмадан тұрады, оның ішінде: 20- берілген бес жауаптың ішінен бір дұрыс жауапты таңдауға; 20- берілген бірнеше жауаптың ішінен бір немесе бірнеше дұрыс жауапты таңдауға арналған.

Жазбаша және ауызша емтихандарды бағалау өлшемшарттары болады.

Емтихан бағаларымен келіспеген жағдайда, емтихан аяқталғаннан бастап келесі күнгі сағат 13.00-ге дейін емтихан комиссиясына өтініш беруге болады.

«Мен жаңашыл ұстазбын» онкүндігі барысында қазақ тілі пәнінен 7 а сыныбында ашық сабақ өткізілді. Пән мұғалімі Мадыбаева Акыл Отанбековна. Тақырыбы: «Ғаламтордың пайдасы мен зияны»

Гуманитарлық пәндер онкүндігі аясында «Жаса, жайна, туған жерім!» атты тақырыпта 5-8 сыныптар арасында поэзия кеші өтті.

Мақсаты: қазақтың  поэзиясымен тілдесу. Туған жер, «Балалық шақ», «Атамекен», «Білім және ғылым» туралы өлең-жырларын оқушыларға жаттатып, білімдерін одан әрі шыңдауына үлес қосу.

Өткізген: қазақ тілі мен әдебиет пән мұғалімдері.

«Мен жаңашыл ұстазбын» онкүндігі барысында ағылшын тілі пәнінен 5 а сыныбында ашық сабақ өткізілді. Пән мұғалімі Нысангалиева Диана Адалбековна. Тақырыбы: «Types of films»

«Қазақстандағы 1920-1930 жылдардағы социалистік индустрияландыру» тақырыбында Мұратова Назгүл Серғазықызы  8 ә сыныбында сабақ өткізіп, жаңа әдістермен бөлісті.